Dy persona u vranë dhe një tjetër u plagos të enjten nga të shtënat në një mbledhje të një grupi të vogël të kishës në një periferi të Birmingham, Alabama.
Sipas policisë, një i dyshuar, i cili nuk u identifikua publikisht, është në paraburgim, shkruajnë mediat e huaja, përcjell Telegrafi.
Ndërkohë i mbijetuari i sulmit është duke u trajtuar në spital.
Të shtënat në kishën në Vestavia Hills u raportuan rreth orës 18:22 sipas kohës lokale.
Sipas kalendarit të kishës, një ngjarje ishte planifikuar në të njëjtën kohë kur ndodhën të shtënat.
Guvernatorja e Alabamas, Kay Ivey, i dërgoi ngushëllimet e saj familjarëve të viktimave duke shtuar se është e lumtur që sulmuesi është në paraburgim.
“Kjo nuk duhet të ndodhë kurrë – në një kishë, në një dyqan, në qytet ose kudo. Ne vazhdojmë të monitorojmë nga afër situatën”. /Telegrafi/
