Dy persona janë konfirmuar si të vrarë dhe tre të plagosur pas të shtënave në mbrëmje në një kamp në një festival muzikor në Washington.
Festivali “Beyond Wonderland” është një ngjarje muzikore dyditore që zhvillohet të shtunën dhe të dielën në Amfiteatrin Gorge në Washington.
Raportimet për një sulmues aktiv të shtunën mbrëma në kampin aty pranë në Washington në ShBA , ku qëndrojnë shumë prej rreth 27,000 pjesëmarrësve të ngjarjes, u shfaqën fillimisht rreth orës 20:25 me kohën lokale.
“Oficerët i ndoqën, e mbyllën të dyshuarin dhe e kanë mbajtur në paraburgim. Shumë individë kanë pësuar plagë me armë zjarri”, tha Zyra e Sherifit të Qarkut Grant në një postim në Facebook rreth orës 22:50.
Zyra e sherifit më vonë konfirmoi dy të vdekurit dhe tre persona të plagosur – mes tyre edhe vrasësi – në një konferencë për shtyp në orën 23:30.
Please avoid the Gorge Gate H campgrounds area as it is closed due to an incident that has been handled by local authorities. There is no current danger to festival goers or the campgrounds.
— Beyond Wonderland at The Gorge (@BeyondWlandPNW) June 18, 2023
I dyshuari thuhet se ka hapur zjarr rreth orës 20:20 në një zonë rreth 100 metra larg vendit të ngjarjes, tha Kyle Foreman, një zëdhënës i zyrës së sherifit, gjatë një konference për shtyp sipas ABC News.
Beyond Wonderland vazhdoi siç ishte planifikuar, me festivalin duke postuar një deklaratë për të ftuarit, ku thuhej: “Ju lutemi shmangni zonën e kampeve të Gorge Gate H pasi është e mbyllur për shkak të një incidenti që është trajtuar nga autoritetet lokale. Nuk ka asnjë rrezik aktual për frekuentuesit e festivalit apo kampingjet”. /Telegrafi/
