Presidentja e vendit, Vjosa Osmani, gjatë së enjtes ka zhvilluar bisedë telefonike me senatorët amerikanë, Jeanne Shaheen dhe PeteRicketts.
Në një shkrim në Twitter, Osmani tha se u rikonfirmua përkushtimi për ta çuar përpara Kosovën në rrugën e saj euroatlantike.
Po ashtu, është diskutuar edhe për zhvillimet e fundit në veriun e Mitrovicës dhe përpjekjet për t’i kapërcyer sfidat.
“Falenderoj senatorët @SenatorShaheen dhe @PeteRicketts për thirrjen e tyre sot, ku rikonfirmuam përkushtimin tonë të përbashkët për Kosovën dhe SHBA-në dhe çuar përpara Kosovën në rrugën e saj euroatlantike. Përditësime të përbashkëta mbi zhvillimet e fundit në Kosovë dhe mbi përpjekjet tona për të kapërcyer sfidat”, tha Osmani.
Të martën emisari i BE-së për dialogun Kosovë-Serbi, Miroslav Lajçak, bashkë me homologun e amerikan, Gabriel Escobar, i kanë kërkuar Osmanit gjetjen e një zgjidhjeje të shpejtë politike për qetësimin e situatës në veri.
Kërkesat e SHBA-së dhe BE-së drejtuar Kurtit gjatë së hënës ishin: qetësimi i situatës në veri të Kosovës, mbajtja e zgjedhjeve të reja dhe kthimi në dialog./Telegrafi/
I thank Senators @SenatorShaheen and @PeteRicketts for their call today, where we reaffirmed our joint commitment to the 🇽🇰-🇺🇸 partnership & moving Kosovo forward on its Euro-Atlantic path.
Shared updates on recent developments in 🇽🇰 & on our efforts to overcome challenges.
— Vjosa Osmani (@VjosaOsmaniPRKS) June 8, 2023