Zëdhënësi i Policisë së Kosovës për rajonin e Prishtinës, Agron Borovci, ka theksuar për media se sot kanë dy raste të të shtënave me armë zjarri në kryeqytet.
Ai ka sqaruar së një rast i të shtënave me armë zjarri ka ndodhur në lagjen Lakërishtë, ndërsa tjetri në rrugën kryqëzimin e rrugëve Luan Haradinaj edhe Enver Zyberi.
“Nuk ka të lënduar në asnjërin rast. Në kryqëzimin e rrugës Luan Haradinaj dhe Enver Zyberi, një person ka dalë nga vetura e tij dhe ka shtënë në drejtim të një këmbësori. Nga rasti në fjalë nuk ka pasur persona të plagosur, por nga shkrepja është goditur një veturë që ka qenë duke pritur në kolonë për qarkullim. Në ndërkohë Policia ka filluar ndërmarrjen e të gjitha veprimeve hetimore, dhe kështu është bërë i mundur identifikimi i personit qe ka shkrepur armën e zjarrit”, ka theksuar Borovci. /Telegrafi/