Dy persona janë lënduar në vendin e punës gjatë ditës së hënë në Kosovë.
Policia njofton se njëri rast ka ndodhur në Korish të Prizrenit, ky një person dyshohet se ka rënë nga një lartësi derisa ishte duke punuar.
“Korish, Prizren 30.12.2023-15:45. Viktima mashkull kosovar derisa ishte duke punuar, dyshohet se ka rënë nga një lartësi”, thuhet në raportin policor.
Viktima është dërguar për tretman mjekësor, ndërsa në vendin e ngjarjes kanë dal njësitet përkatëse policore dhe Inspektori i Punës.
Ndërsa, rasti tjetër ka ndodhur në Rahovec, ku një person ka pësuar lëndime derisa ishte duke punuar.
“Rahovec 30.01.2023-15:30. Raportohet se viktima mashkull kosovar derisa ishte duke punuar ka lënduar pësuar lëndime”, thuhet tutje në raport.
Viktima është dërguar në Spitalin e Gjakovës, ndërsa në vendin e ngjarjes kane dal njësitet përkatëse policore dhe Inspektori i Punës.
Të dyja rastet janë iniciuar si “Rrezikim i sigurisë në vendin e punës”. /Telegrafi/