Site icon Telegrafi

Dy klubet e mbajtën të fshehur, por mediat zvicerane zbulojnë shumën që Genk e shpenzoi për Basiten Tomën

Romak Zeqiri

Bastien Toma ka kompletuar transferimin tek skuadra belge KRC Genk.

Mesfushori nga Kosova ka shkëlqyer në vitet e fundit në Zvicër me Sionin dhe ka qenë objektivi kryesor i Genkut për edicionin e ri.

Dy skuadrat si Sion ashtu edhe Genk zyrtarizuan këtë transferim, por pa zbuluar shumën që belgët e kanë paguar për Tomën.

Megjithatë kanë qenë mediat zvicerane që kanë publikuar gjithçka rreth transferimit të kosovarit në elitën e futbollit belg.

Toma kishta edhe një vit kontratë me Sionin, por Genk pranoi të paguante 3,7 milionë euro për transferimin e tij.

Një shumë mjaftë e mirë e parave të fituar nga Sion për yllin kosovar i cili ishte futur tanimë në vitin e fundit të kontratës.

21-vjeçari ka nënshkruar një kontratë afatgjate me Genkun e cila do ta mbajë në këtë skuadër deri në qershor të vitit 2024.

Toma tanimë është prezantuar tek klubi belg dhe do ta mbajë fanellën me numër 11. /Telegrafi/

Exit mobile version