Kampioni aktual i Zvicrës, Basel ka marrë një fitore të madhe në udhëtim te Grasshopperi.
Derbi i madh zviceran ka përfunduar në të mirë të kampionëve në fuqi me rezultat të pastër 0-2.
Por në minutën e 76-të, ndodhi një përleshje mes futbollistëve në fushë.
Mbrojtësi shqiptar, Arijan Qollaku u fut në zonën e Baselit dhe u pengua nga reprezentuesi zviceran Renato Steffen.
Gjyqtari nuk akordoi penallti dhe dy futbollistët e lartpërmendur filluan të përleshen mes vete.
Në ndihmë Qollakut i erdhi edhe sulmuesi tjetër shqiptar Albion Avdijaj që e largoi Steffenin.
U desh ndërhyrja e bashkëlojtarëve të të dy futbollistëve për tu qetësuar gjakërat në fushë.
Gjithsesi gjyqtari kryesor i ndeshjes pasi u qetësua situata i ndëshkoi me karton të verdhë si Qollakun ashtu edhe Steffenin. /Telegrafi/
