Dy El Clasico brenda katër ditëve, tri përballje në më pak se një muaj

Barcelona dhe Real Madridi do të luajnë plot tri ‘El Clasico’ në më pak se një muaj të plot, ndërsa dy nga do do të luhen brenda katër ditësh.

Shorti i Copa del Rey ka bërë që Barcelona dhe Real Madridi ta shohin veten si kundërshtar të njëri-tjetrit në gjysmëfinale.

Ndërsa, Valencia do të përballet me Real Betisin në ndeshjen tjetër gjysmëfinale, për të kërkuar finalen e madhe të Copa del Rey.

Lexo po ashtu Hidhet shorti në Copa del Rey, Barcelona dhe Real Madridi përballen në gjysmëfinale

Tifozët ishin të etur për të parë një El Clasico në finale, por ata duhet të ndihen përsëri të lumtur pasi do t’i shohin tri përballje në më pak se një muaj.

E para nga dy ndeshjet gjysmëfinale do të zhvillohet më 6 shkurt në Camp Nou nga ora 21:30.

Pastaj, dy ndeshjet e radhës El Clasico do të zhvillohen në stadiumin e Real Madridit, Santiago Bernabeu, brenda katër ditëve.

Së pari më 27 shkurt për ndeshjen e kthyese të Copa del Rey, ndërsa më pas për takimin e vlefshëm të La Liga-s.

Ndeshja e vlefshme për kampionatin spanjoll është paraparë të zhvillohet më 2 mars nga ora 20:45. /Telegrafi/