Të dy astronautët e NASA-s të cilët u nisën nga Stacioni Ndërkombëtare i Hapësirës (ISS), kanë zbarkuar të dielën në Tokë.
Sipas medieve të huaja, përcjell Telegrafi, Doug Hurley dhe Bob Behnken, u vendosën në një “fluturake” të quajtur Crew Dragon “Endeavor”, një anije kozmike e projektuar, ndërtuar dhe operuar nga SpaceX me rreth 2.7 miliardë dollarë fonde të qeverisë amerikane.
Bëhet e ditur se ekuipazhi i SpaceX zbarkoi në qytetin e Pensacola të Floridas.
Fluturakja është anija e parë kozmike amerikane që u largua dhe u kthye në Tokë që nga muaji korrik i vitit 2011, kur NASA tërhoqi programin e saj të anijeve hapësinore.
Fundi i sukseshëm i këtij misioni fillon një epokë të re për agjencinë amerikane hapësinore.
Astronatutët e NASA-s u rikthyen me sukses në Tokë pas një qëndrimi dy-mujor në Stacionin Ndërkombëtar të Hapësirës.
Të gjitha zbarkimet dhe transportet jashtë planetit Tokë në të ardhmen mund të kryen nga kompanitë private, siç është SpaxeX, kompania e Elon Musk.
Kështu, agjencia hapësinore ka të ngjarë të certifikojë automjetet e SpaceX për misionet e rregullta operative në hapësirë.
Kapsula e SpaceX, Dragon Endeavour, që transportonte astronautët e NASA-s, Doug Hurley dhe Bob Behnken, kreu një fluturim 18-orësh nga Stacioni Ndërkombëtar i Hapësinor për në Tokë. /Telegrafi/
