Siç është konfirmuar nga burime të shumta, Barcelona është e interesuar për Joao Felix me presidentin e klubit, Joan Laporta, që është një fans i madh i lojtarit.
Megjithatë, me katër ditë të mbetura në tregun e transferimeve, transferimi i Felix te Barcelona mund të mos ndodhë kurrë për dy arsye sipas Relevo.
Arsyeja e parë është se Atletico Madridi kërkon që Barça t’ia paguajë rrogën e plotë. Blaugranët do ta kenë të vështirë ta bëjnë këtë edhe nëse Felix ul pagat e tij prej 280 mijë euro në javë në Atletico, për shkak të kufizimeve të Fair Play-it Financiar.
Ndrsa e dyta është se Atletico kërkon një tarifë huazimi. Sezonin e kaluar ata morën 11 milionë euro nga Chelsea për një huazim gjashtë mujor. Klubi madrilen po kërkon një tarifë të ngjashme, ose më të lartë, për ta dërguar atë te Barça për sezonin.
Xavi i ka dhënë Barcelonës dritën jeshile për të nënshkruar me Felixin, por operacioni po rezulton gjithnjë i vështirë për t’u tërhequr me mbylljen e afatit kalimtar.
Ndërkohë, drejtori i ri sportiv i klubit katalunas, Deco thuhet se është kundër lëvizjes. /Telegrafi/