Dy anije mallrash thuhet se janë përplasur me njëra-tjetrën në brigjet e Ahırkapı, Stamboll, Turqi.
Për fat të mirë, raportojnë mediat e huaja, përcjell Telegrafi, nuk ka pasur ndonjë të lënduar apo ndotje mjedisore.
Siç tregohet më tej, përplasja ndodhi brenda zonës Ahırkapı dhe përfshinte anije të quajtura New Legend, një anije mallrash e thatë 228 metra e gjatë dhe Elbsun, një anije kontejner 141 metra e gjatë.
Ahırkapı açıklarında iki geminin çarpışma anı cep telefonu kamerasına yansıdı. pic.twitter.com/4DYYa74zEb
— Sabah (@sabah) September 18, 2023
Pas një kontrolli të plotë të kryer nga ekipi i shpëtimit të shpejtë KEGM-4, nuk u raportuan dëme materiale.
Autoritetet po vazhdojnë të monitorojnë situatën për të garantuar sigurinë dhe funksionalitetin e anijeve të përfshira në incident dhe mjedisin përreth.
Ndërkohë janë publikuar disa pamje të cilat thuhet se tregojnë momentin e përplasjes ndërmjet tyre. /Telegrafi/