As edhe një dëmtim i fytyrës nuk mund ta ndalojë Dwayne ‘The Rock’ Johnson.
Aktori 48-vjeçar dhe entuziast i fitnesit lëndoi fytyrën e tij në një stërvitje të fundit, ku u shfaq i zhytur në gjak si pasojë e disa zinxhirëve të rëndë metali.
Johnson të hënën shpërndau një video në Instagram për të treguar dëmtimin e tij.
“Mirë, shiko. Ndonjëherë, shumë shpesh, gjërat bëhen intensive këtu në parajsën e hekurt, por nuk po luajmë tezesh dhe as nuk po këndojmë këngë fëmijësh”, tha ylli në video.
Gjaku po i rridhte fytyrës së yllit të “Moana” prej njërit prej syve të tij. Në video, ai përdori një gisht për të fshirë pak gjak para se të fuste shkurtimisht të njëjtin gisht në gojën e tij dhe ta lëpinte atë.
“Kjo është mirë. Kjo është vërtet mirë”, tha ai pasi pastroi gishtin. “Kthehu në punë tani”.
Në mbishkrimin e postimit, Johnson zbuloi se si e lëndoi veten ndërkohë që vazhdoi, “shijoni gjakun tuaj, vazhdoni të stërviteni. Dhe unë mund të konfirmoj shijen e gjakut tim”.
Aktori i “San Andreas” përfundoi duke uruar një ‘javë produktive’ për ndjekësit e tij.
Kanë qenë disa javë të vështira për aktorin e popullarizuar, i cili muajin e kaluar njoftoi se ai dhe familja e tij rezultuan pozitivë me coronavirus. /Telegrafi/