Ceremonia e sivjetme e ndarjes së çmimeve nga Akademia Britanike për Film dhe Art Televiziv (BAFTA) ishte ndryshe nga të kaluarat.
Pandemia nga COVID-19 ka bërë që ceremonia e sivjetme të mbahej vetëm në versionin virtual.
Për shikuesit, ndarja e çmimeve BAFTA është transmetuar përmes BBC-së, si dhe kanalit zyrtar në YouTube.
Derisa aktorët dhe filmbërësit e nominuar nuk kanë marrë pjesë në ndarjen e çmimeve, megjithatë disa emra të njohur kanë qenë në Londër për të shpallur fituesit.
Disa prej tyre janë: Phoebe Dynevor, Cynthia Erivo, Priyanka Chopra Jonas, Nick Jonas, Asim Chaudhry, Celeste, David Oyelowo.
Pra, në tepihun e kuq kanë pozuar udhëheqësit e ceremonisë, prezantuesit e çmimeve dhe disa performues që kanë interpretuar gjatë pauzës. /Telegrafi/
