Presidenti i Kombëtares së Shqipërisë, Armand Duka, është shprehur i lumtur me emërimin e Edy Rejas në krye të kombëtares.
I pari i FSHF-së tha se trajneri italian ka eksperiencën e duhur për të kthyer Shqipërinë në rrugën e duhur.
“Do të doja t’i uroja mirëseardhjen Rejas në krye të kombëtares. Duhet të kemi paraqitje më të mirë dhe pse jo pjesëmarrje në Evropian”.
“Mendoj se kemi bërë më të mirën. Pasi të përfundoj do të shohim nëse kemi bërë mirë apo keq. Një trajner me eksperiencë, besoj se do të japi atë që ka nevojë ekipi ynë. Kemi lojtarë cilësorë. Ka nevojë për një ekspertizë, për një motiv dhe besoj se Reja i ka cilësitë për ta bërë këtë”.
“E vërteta në Shkodër? Jemi takuar pas ndeshjes, patjetër që i kam kërkuar një opinion, e njihni Shqipërinë, e keni parë më parë. Pa e menduar se do të jetë ai trajner i Shqipërisë. Pastaj kemi folur në telefon, jemi takuar në Bolonja. Gjëja që më ka bindur më shumë që besoj se është zgjidhje e duhur është eksperienca e madhe dhe mënyra si i ka trajtuar problemet. Kishte informacion për të gjithë futbollistët që janë jo vetëm në kombëtare, por edhe rreth e rrotull”.
“Lenjani? Në dy kundër vështrime nuk do të t’i thosha jo Lenjanit, sepse më ka gëzuar me kontributin e tij. Do ta kondicionoja shumë një lojtar po t’i thosha që s’do të marrësh këtë. Pavarësisht se çfarë thuhet, Lenjanit i ka shkuar ftesa me shumë vonesë”, ka thënë Duka në prezantimin e Rejas. /PanoramaSport/