Duka dhe Dukesha e Sussex do të udhëtojnë për në Skoci, tha një zëdhënës i çiftit.
Lajmi vjen pasi Pallati Buckingham tha se Mbretëresha Elizabeta e Dytë është nën mbikëqyrjen mjekësore, transmeton Telegrafi.
Çifti, i cili tashmë jeton në SHBA, ka qenë ditët e fundit në Mbretërinë e Bashkuar për aktivitete të ndryshme. Ata të dy gjenden për momentin në Gjermani.
Buckingham Palace ka deklaruar se Mbretëresha është nën mbikëqyrjen mjekësore në Balmoral pasi mjekët u shqetësuan për shëndetin e saj.
“Pas vlerësimit të mëtejshëm këtë mëngjes, mjekët e Mbretëreshës janë të shqetësuar për shëndetin e Madhërisë së Saj dhe kanë rekomanduar që ajo të mbetet nën mbikëqyrjen mjekësore”, thuhet në një deklaratë. /Telegrafi/