Në Top Story, Armand Duka u pyet në lidhje me lënien jashtë Kampionatit Evropianit të Milot Rashicës, i cili më pas zgjodhi përfaqësuesen e Kosovës për të vijuar karrierën e tij.
Rashica nuk u përfshi në listën me 23 lojtarë të Gianni De Biasit në finalet e evropianit francez, por a ishte kjo një zgjedhje e duhur?
Për Dukën ajo ishte një zgjedhje e trajnerit, ndërsa largimin nga Kombëtarja, ai e quajti një vendim të vetë lojtarit.
Pengu i Dukës për mungesën në atë evropian historik për kuqezinjtë është një tjetër emër.
“Pengu im personal edhe sepse i detyrohemi shumë moralisht atij, është Gjimshiti. Nga dita e parë që shkeli në Kombëtare ai ishte në formacion dhe nuk u mor nga trajneri, ndoshta ngaqë nuk ishte në formë të mirë”, thotë Duka.
Vlen të theksohet se aktualisht Berat Gjimshiti është pjesë e Beneventos në Serie A. /TCh/