Armando Duka i hap derën Lorik Canës për në bankinën e kombëtares së futbollit shqiptar, por pa folur konkretisht nëse kjo prek postin e Gianni de Biasit.
Duka në një intervistë për Top-Channel ka treguar sesi Cana dëshiron ende të luajë futboll. Por pavarësisht kësaj, me licencën e sapomarrë të trajnerit, FSHF-ja i ka dyert e hapura.
“Loriku i ndjek rregullisht kurset e UEFA-s për të qenë një person i certifikuar si trajner. Nuk jam i sigurt nëse ka vendosur. Në fakt, me sa kam folur, ai nuk ka vendosur se çfarë do të bëjë”.
“Ka dëshirë të vazhdojë të luajë ende futboll. Nuk e di nëse do të luajë apo jo, megjithatë, pasi ai të ketë vendosur, unë besoj se të gjithë ne duhet t’i japim një mundësi e ta mbështesim të realizojë ëndrrat e veta”, tha Armand Duka.