Paulo Dybala thotë se Juventusi di të mbrohet mirë, por duhet të luajë më shumë me top.
Juventusi barazoi pa gola në ndeshjen me Barcelonën duke e lënë kualifikimin për ndeshjen e fundit ndaj Olympiacos.
“Nuk ishte e lehtë kundër një skuadre si Barcelona, edhe pse u mbrojtëm shumë mirë. Tani duhet ta fitojmë ndeshjen e ardhshme dhe ta shohim se cfarë do të bëjë Barcelona”.
Bianconerët udhëtojnë në Olympiacos, ndërsa Sporting do të luajë në Camp Nou.
“Do të jetë një muaj i vështirë, do të shkojmë në një atmosferë pasionuese si ajo që ndodh në stadiumin e Olympiacosit, por Juventusi duhet të luajë për fitore në cdo stadium”.
Statistikat flasin keq për Juventusin këtë sezon, pasi është ndër skuadrat që shënon më pak në fazën e grupeve të Ligës së Kampionëve.
“Duhet ta përmirësojmë futbollin që luajmë. Jemi të mirë në mbrojtje, por duhet të luajmë më shumë me topin”, ka thënë Dybala. /Telegrafi/