Trajneri i Romës, Jose Mourinho kritikoi disa nga lojtarët e tij pas barazimit 2-2 me Bodo/Glimt, duke shpjeguar vendimet e tij, por mbi të gjitha fajësoi gjyqtarin.
Mourinho assesi të kënaqet me lojën e ekipit të tij, pasi janë ndalur përsëri në ndeshjen e Ligës së Konferencës dhe renditen në vendin e dytë me 7 pikë.
“Mendoj se rezultati është i ashpër për ne. Nuk ishte një paraqitje e mirë, bëmë shumë gabime teknike, veçanërisht në pjesën e parë kur luajtëm nga prapa. Sa herë që shkonte te Veretout ose Darboe, ne e humbnim topin”, ka thënë fillimisht Mourinho për Sky Sport Italia.
“Realiteti i lojës është 2-2, por dy penalltitë ishin të qarta si dita. Të pastra si dita. Mund të flasësh çfarë të duash, por realiteti është 2-2, ata kishin dy goditje në portë dhe dy gola. Shënuam dy gola dhe dy penallti të pastra u mohuan”.
“Nuk e di nëse ata marrin gjyqtar që janë të varfër dhe që fillojnë karrierën e tyre për Ligën e Konferencës. Nuk thashë asgjë për gjyqtarin në Norvegji, sepse humbëm 6-1, por këtu dy penalltitë ishin të pastra”.
Mourinho u pyet nëse do të bëjë rregullime taktike për t’i dhënë Romës një ekuilibër më të madh, pasi duket se janë kapur në kundërpërgjigje dhe sërish portugezi fajësoi mungesën e forcës në thellësi.
“Bilanci vjen nga lojtarët që kemi në dispozicion. Matias Vina ishte i lënduar, ndaj më duhej të zgjidhja një mbrojtës të majtë. Solbakken pati ndeshjen e parë fantastike, por sonte Ibanez e futi në xhep, ai pati vetëm një prekje dhe shënoi një gol fantastik”.
“Më duhej ta mbroja Kumbullën, sepse ai luajti keq në ndeshjen e parë dhe kjo nuk ishte ndeshja e duhur për të. Kështu që më duhej të vendosja Cristante në mbrojtje. Pra, kë të vendos në mesfushë? Më duhej të vendosja Darboen”.
“Njerëzit flasin për ekuilibrin taktik, por ndonjëherë ka të bëjë edhe me balancimin e karakteristikave të lojtarëve”, përfundoi ‘Special One’. /Telegrafi/