Në botën e shfaqjeve të mëdha të realitetit televiziv, një bashkëpunim i paparë duket se po përgatitet mes dy prej banorëve më të përfolur të Big Brother VIP Kosova dhe Big Brother VIP Albania. Fituesi i BBVA 2 dhe gjysmëfinalisti i BBVK 1, Bruno Revolt, pritet të sjellin një projekt të ri që do të befasojë publikun.
Dyshimet mbi këtë bashkëpunim filluan të lindin nga disa postime në Instagram të shpërndara nga artisti vlonjat.
Në një prej këtyre postimeve, Bruno shprehej: “S’e di vëlla! Llafe janë, ft ft ft, bo fati jetim, kështu është kur pi, bëhesh tapë edhe…”. Ky mbishkrim, pavarësisht se lë shumë hapësirë për spekulime, përforcon idenë se një projekt i ri muzikor është në përgatitje.
Sipas burimeve të afërta, titulli i supozuar i këngës është “Do pi”, çka sugjeron një tematikë të drejtpërdrejtë dhe autentike, të cilën të dy artistët janë të njohur për ta trajtuar me mjeshtëri.
Duke marrë parasysh stilin unik të Bruno Revolt dhe influencën e tij të fuqishme në industrinë muzikore, ky bashkëpunim pritet të jetë një hit i madh veror.
Ndërkohë që fansat presin me padurim zbulimin e mëtejshëm, të gjitha shenjat tregojnë se ky do të jetë një ndër bashkëpunimet më të mëdha të vitit në industrinë muzikore shqiptare.
Me talentin dhe kreativitetin e tyre të pashoq, Bruno Revolt dhe fituesi i BBVA 2 janë gati të sjellin një tjetër sukses të madh për adhuruesit e tyre. /Telegrafi/