Florentino Perez është përfshirë në një debat me një tifoz të Barcelonës, pasi Real Madridi e fitoi trofeun e 11-të të Ligës së Kampionëve.
Los Blancos fituan ndaj Atletico Madridit pas ekzekutimit të penaltive, në finalen e zhvilluar në San Siro të Milanos.
Një tifoz i katalunasve ishte ulur pranë Perezit në momentet festive dhe nuk mund të qëndronte pa thënë se Barca është klubi më i mirë në botë.
“Florentino, duhet ta pranosh se Barca është më e mira”, deklaroi tifozi.
Perez fillimisht bëri me shenjë duke hedhur poshtë pohimin e tij dhe më pas theksoi: “(Ju) i keni pesë. Ne i kemi 11-të”.
Tifozi vazhdoi duke thënë se trofetë e Realit vijën nga një “epokë jo e mirë”, derisa Perez nuk e vazhdoi më tutje debatin duke pohuar edhe njëherë: “Tash për tash ne i kemi 11-të”. /Telegrafi/
