Dua Lipa nuk ndodhet në Kosovë për të fituar para, por për të ofruar ndihmën e saj.
Të gjitha paratë e mbledhura nga shitja e biletave do të shkojnë te Fondacioni Sunny, që synon të ndihmojë në përmirësimin e gjendjes në Kosovë, me theks të veçantë tek arti dhe kultura.
Dhe në konferencën për media, këngëtarja e famshme shqiptare ka folur për këtë temë.
“Fillimisht, kur e kam menduar që të vij në Kosovë, në Prishtinë, për ta bërë një koncert, nuk kam pasur dëshirë të shes bileta ose të marr para për vete, por të mundem në njëfarë mënyre që t’i shfrytëzoj për të mbështetur rininë e Prishtinës dhe të Kosovës për art dhe për kulturë”.
“Edhe pse e di se kemi shumë nevojë për shumë gjëra tjera, jo vetëm për muzikë, kështu që do të mundohem që të bëj sa më shumë nga ana ime që të mundem të ndihmojë”, ka deklaruar Dua. /Telegrafi/