Këngëtarja shqiptare me famë ndërkombëtare, Dua Lipa, vazhdon të jetë një nga emrat më të përfolur në mediat e huaja.
Lidhja e saj me modelin britanik Isaac Carew bëhet gjithashtu temë e mediave, teksa këngëtarja shqiptare shpesh e ekspozon të dashurin edhe në rrjetet sociale.
Së fundmi, ajo ka treguar se do të ndodhet larg tij për pak ditë, e ndërsa mungesën ia ka shprehur përmes një fotografie të publikuar në rrjetin social Instagram.
“Do të më mungosh për një kohë të gjatë. Shihemi së shpejti i dashur”, ka shkruar Lipa në Instagram.
Ndërkohë pëlqimet dhe komentet e shumta nga fansat nuk kanë munguar, të cilët i kanë komplimentuar çiftin për harmoninë e tyre.
Dua për momentin ndodhet në Los Anxhelos, ku ka performuar në koncertin “jingle Ball”, të organizuar nga iHeart Radio.
Ajo do të jetë shumë e angazhuar këtë fundvit me koncerte të shumta, gjersa nuk do të munguojë edhe puna rreth projekteve të reja muzikore.
E njëjta këtë vit ka qenë në Prishtinë gjatë muajit gusht, ku më datë 10 performoi për fansat në festivalin “Sunny Hill”, të zhvilluar në parkun Gërmia. /Telegrafi/
