Artistja shqiptare me famë ndërkombëtare, Dua Lipa, të premten (13 dhjetor), publikoi projektin e saj të fundit muzikor për këtë vit të titulluar “Future Nostalgia”.
Dhe gjatë ditës së sotme ajo ka sjell një video atraktive të kësaj kënge që tashmë është e disponueshme në platformën digjitale, YouTube.
24-vjeçarja vjen me një paraqitje mjaft tërheqëse në videon e re që njëkohësisht shfaq edhe tekstin e këngës.
Autorët e këngës janë Jeff Bhasker dhe Clarence Coffee Jr., me të cilët artistja Lipa tha se e shkroi këtë këngë gjatë një pasdite në Los Angeles.
E njëjta gjatë këtij viti këtë ka publikuar vetëm tri këngë, teksa ka premtuar se në fillim të vitit 2020, albumi i saj “Future Nostalgia” do të prezantohet para publikut.
Albumi i dytë i këngëtares sonë vjen pas atij debutues “Dua Lipa”, i cili doli në treg më 2 qershor të 2017.
Ky i fundit u vlerësua tejet mirë nga kritikët, dhe u pozicionua në vend të pestë në toplistën zyrtare të albumeve në Angli dhe gjithashtu u bë pjesë e listës së gjatë të billboard top 200 albums charts. /Telegrafi/