Artistja shqiptare me famë botërore, Dua Lipa, është gjithnjë e përfolur për stilin e saj.
Ajo ka treguar shumë herë se është e lidhur me modën, teksa edhe fillimet e karrierës i pati si modele, para debutimit në këndim.
Së fundmi, Dua përmes disa imazheve të publikuara në rrjetin social Instagram, ka treguar se ka shijuar një ditë pushimi pranë miqve dhe të dashurit të saj.
Në fotografitë e publikuara, këngëtarja shqiptare shfaqet e veshur me një fustan të shkurtër ngjyrë rozë dhe me pupla, i cili i ka dhënë asaj një pamje edhe më atraktive.
Dua bashkë me shoqërinë kanë shijuar një lojë “bowling”, teksa me fustanin e saj plot çufka, këngëtarja ka arritur të tërheqë edhe më tepër vëmendjen.
“Swan Song” përndryshe mban titullin kënga e fundit që ajo e solli muaj më parë për publikun, dhe e cila është pritur mirë nga fansat. /Telegrafi/
![Dua Lipa - Swan Song (From Alita: Battle Angel) [Official Music Video]](https://i.ytimg.com/vi/kO8fTk6oKQg/hqdefault.jpg)