Vitet e fundit, Disney ka bërë filma ‘live-action’ të disa filmave të vjetër të Disney.
Këtu përfshihen: “Aladdin”, “Little Mermaid”, “Beauty and the Beast”, “Moana” dhe “Hercules”.
Për këtë të fundit është diskutuar emri i artistes shqiptare, Dua Lipa, në rolin e Megit.
Ky film deri më tani ka qenë i prodhuar vetëm në versionin e animuar të vitit 1997.
“Duke mos thënë si fakt 100%, por një emër që dëgjoj që Disney e pëlqen tani është Dua Lipa”, thuhet në njoftimin nga mediat ndërkombëtare.
Megjithatë, nuk ka asgjë zyrtare dhe nuk është zbuluar ndonjë datë për premierë.
Me fjalë të tjera, do të kalojë shumë kohë para se të shohim diçka nga filmi.
Bukuroshja nga Kosova së fundmi është shfaqur në “Barbie” dhe do të jetë pjesë e “Argylle”.
Ajo po shijon suksese të mëdha edhe në muzikë, derisa vetëm pak më parë ka publikuar albumin e ri “Radical Optimism”. /Telegrafi/
