Këngëtarja shqiptare me famë botërore, Dua Lipa, po vazhdon të shijojë suksesin e albumit “Future Nostalgia”, të cilin e nxori në shitje këtë vit.
Megjithëse pandemia globale e ka lënë atë pa koncerte dhe pjesëmarrje në festivale, Dua prapëseprapë nuk po ndalet së sjelli gjëra të reja për fansat e saj.
Ajo ndërkohë është një personazh që ndiqet nga miliona njerëz në rrjetet sociale, në të cilat shpesh ndan me ndjekësit fotografi dhe video të ndryshme nga jeta e saj e përditshme.
Së fundmi, Dua publikoi për ndjekësit e saj disa fotografi mjaft atraktive, ku shfaqej e veshur me xhinse dhe një bluzë të verdhë, ndërsa sipër kishte një xhaketë të gjelbër.
Flokët e eza të kthyera anash i dhanë një paje edhe më tërheqëse artistes, e cila pak ditë më parë festoi 25-vjetorin e lindjes.
Pëlqimet dhe komentet e shumta nga ndjekësit nuk kanë munuar, veçanërisht për stilin e saj unik në të veshur.
Dua aktualisht është zhvendosur në Los Angeles te i dashuri i saj, Anwar Hadid, ndonëse e gjithë familja e saj dhe rrethi shoqëror jetojnë në Mbretërinë e Bashkuar. /Telegrafi/
