Dua Lipa ka marrë pjesë së fundmi në ceremoninë e nderimeve vjetore, Variety ‘s Hitmakers .
Organizimi në fjalë vë në qendër të vëmendjes artistët, shtëpitë diskografike, drejtuesit, producentët, botuesit, miksuesit e zërit, inxhinierët, menaxherët dhe njerëzit e marketingut që qëndrojnë pas 25 këngëve më të dëgjuara të vitit.
Sigurisht që Dua e arsyeton prezencën e saj me suksesin e jashtëzakonshëm që ka shënuar bashkëpunimi i saj me Elton Johnin, “Cold Heart (PNAU Remix)”.
Jack Harlow, HER, Elton John, e Selena Gomez janë disa nga emrat e njohur që gjithashtu nuk munguan në këtë mbrëmje.
Ceremonia e paradrekës dhe e çmimeve është e lidhur me edicionin e “Variety ‘s Hitmakers”, i cili si organizim filloi në vitin 2017.
Dua Lipa dhe Elton John u nderuan me çmimin e dyfishtë “Hitmakers of the Year (Krijuesit muzikorë të vitit)”, për suksesin e bashkëpunimit të tyre i cili qëndroi për një kohë të gjatë në majë të top-listave britanike dhe amerikane.
Këngëtarja me origjinë nga Kosova është dukur tejet elegante dhe shik në këtë mbrëmje e veshur me një kostum të hirtë, të hapur te pjesa e dekoltesë.
Flokët e zeza të lëshurara drejtë dhe syzet e saj të errëta ishin detajet që përsosën dukjen e saj në këtë mbrëmje. /Telegrafi/
