Dy superyjet, Kylie Jenner dhe Dua Lipa duket se kanë shije të njëjtë të veshjes dhe këtë e dëshmojnë postimet e tyre nga paraqitjet e fundit.
Teksa mori pjesë në një mbrëmje të Javës së Modës në Paris në mbrëmjen e së martës, këngëtarja e hitit “New Rules”, 24 vjeçe, debutoi me një stil të ri të flokëve, atë bob dhe veshi një xhaketë ngjyrë rozë, i cili kushton hiç më pak se 744 dollarë.
Jenner, 22 vjeçe, ditë më parë pozoi me të dashurin e saj, Travis Scott, gjersa kishte të veshur të njëjtën xhaketë si të artistes Lipa.
Lipa aktualisht është duke ‘goditur’ sfilatat e modës; ajo doli me të dashurin Anwar Hadid në shfaqjen Marc Jacobs në New York në fillim të këtij muaji dhe, më vonë në shfaqjen Burberry në Londër. Ajo së fundmi performoi në festën e lansimit të aromës YSL Beauté në Paris.
Ndërkohë, Jenner ishte planifikuar të shërbejë si drejtoresha artistike e grimit në shfaqjen e modës të së premtes në Balmain në Paris, ku modelet do të ecin në pistë me një koleksion special të ‘Kylie Cosmetics’.
Sidoqoftë, mogulja e produkteve të bukurisë njoftoi të mërkurën se ajo është shtruar në spital me simptoma të gripit që nga e diela, dhe nuk do të fluturojë jashtë shtetit. /Telegrafi/