Ata e bënë publike lidhjen e tyre në fillim të verës së këtij viti.
Artistja Dua Lipa u pa të martën, duke shijuar një ditë jashtë me të dashurin e saj, Anwar Hadid, 20 vjeç, në New York, shkruan DailyMail, transmeton Telegrafi.
24-vjeçarja tronditi kalimtarët me ndryshimin e saj të ri në pamje, me flokët e saj bionde, të kombinuar me veshje ngjyrë luleshtrydhe.
Dua kishte veshur një këmishë të madhe me shirita, ndërsa ishte kombinuar me një palë pantallona të zinj lëkure.
Këngëtarja e hitit “New Rules” zbuloi këmbët e saj të gjata dhe të tonifikuara, ndërsa dukej edhe më tërheqëse me një palë atlete dhe çantë “Prada” në krah.
Anwar u pa duke mbajtur duart e saj, teksa kishte veshur një triko të bardhë të kombinuar me pantallona.
Me pamjen e tij prej biondi, Hadid duket se po i përshtatej më së miri femrës që kishte në krah.
Dua Lipa përndryshe ndau së fundmi me 34.6 milion ndjekësit e saj në Instagram, një fotografi të ndryshimit të saj të ri.
“Një epokë e re! Faleminderit për durimin tuaj. Shihemi së shpejti # DL2”, shkroi ajo në mbishkrimin e fotografisë.
Flokët e reja të Duas duket se shënojnë një kapitull të ri për vendlindjen në Mbretërinë e Bashkuar, pasi ajo tash e sa kohë është zhvendosur në New York me të dashurin.
Çifti besohet se janë lidhur me njëri-tjetrin për talentin e tyre muzikor, dhe kanë rrëfyer të dy se janë tifozë të njëri-tjetrit. /Telegrafi/