Para se të publikohej videoklipi i këngës “Break Your Heart”, ndjekësit kishin mundësinë të dëgjonin audion e kësaj këngë.
Ashtu siç bën në çdo projekt tjetër muzikor, edhe kësaj radhe Dua Lipa nuk ka zhgënjyer sa i përket paraqitjes dhe stilit të saj.
Kjo këngë është e nënta me radhë në albumin e titulluar “Future Nostalgia” që rezultoi të jetë mjaft i pëlqyer nga fansat e saj.
Por, si duket Dua nuk e ka lënë me kaq, pasi përmes rrjetit social Instagram, e ka publikuar versionin e animuar të klipit të kësaj kënge. Videoja muzikore është e mbushur me ngjyra dhe animacione, ndërsa Dua është e veshur me kostume të astronautëve.
Projekti muzikor tashmë gjendet në të gjitha platformat digjitale dhe ka marrë një numër të konsiderueshëm klikimesh. /Telegrafi/