Artistja shqiptare me renome botërore, Dua Lipa, ka publikuar të premten e 31 janarit këngën e saj më të re.
“Physical” titullohet projekti i saj i ri muzikor që vjen i vizualizuar edhe me klip.
Ditë më parë, vet Dua Lipa kishte potencuar se kënga është e inspiruar nga vitet 80’ dhe është stil i asaj kohe.
“Ju mund të kërceni me të. Është me të vërtetë, më e çmendura prej këngëve të mia energjike” ka thënë Dua ditë më parë në tapetin e kuq të Grammyt, e pyetur rreth kësaj kënge.
Këngëtarja vjen mjaft atraktive dhe me stil në klipin e këngës, duke dhuruar një performancë fantastike me trupën e baletit.
“Physical” është një nga këngët e albumit të saj më të ri “Future Nostalgia”, i cili do të publikohet i plotë më 3 prill.
Deri më tani, Lipa ka publikuar tre këngë nga ky album: “Don’t start now”, “Future Nostalgia” dhe “Physical”. /Telegrafi/