Artistja me famë internacionale, Dua Lipa, ka më shumë se një muaj që është bërë pjesë e kampanjës më të re nga marka e famshme, YSL Beauty.
Këngëtarja shqiptare është bërë imazh i aromës më të re “Libre”, nga kjo markë që ka dalë në treg muajin e shkuar.
Gjatë gjithë këtyre javëve, Dua ka mbajtur koncerte të shumta në kuadër të promovimit të këtij parfumi në qytete të ndryshme.
Turneu përmbyllës u mbajt në Madrid të Spanjës, ku 24-vjeçarja nuk mungoi, teksa u shfaq tejet elegante e veshur me një fustan të shkurtër plot shkëlqim.
Dukja e re me baluke e ka bërë artisten edhe më tërheqëse, teksa po shijon suksesin me reklamën e një prej markave më presitgjoze botërore.
Ajo ndau me ndjekësit e saj në Instagram disa imazhe nga nata përmbyllëse në kryeqytetin spanjoll, duke falënderyar markën e produkteve kozmetike, YSL Beauty, për këtë punë që ia besoi.
“Nata e fundit e turneut LIBRE përfundoi në qytetin e Madridit ️ ️Çfarë udhëtimesh të pabesueshme dhe argëtuese kanë qenë dhe çfarë mënyre e duhur për ta përfunduar atë. Faleminderit YSL Beauty që më keni marrë në këtë udhëtim. Jam shumë krenare për këtë projekt dhe dua ta shoh në të gjithë botën! Faleminderit”, ka shkruar Lipa në Instagram.
Dua përndryshe ka që nga janari që nuk ka sjell ndonjë projekt të ri muzikor, megjithatë ajo ka pohuar se është duke punuar për albumin e saj të dytë, që do të dalë në treg së shpejti. /Telegrafi/
