Suksesi i këngëtares me prejardhje shqiptare, Dua Lipa, tashmë vërehet dukshëm.
Artistja e njohur jo vetëm që po korrë sukses me dëgjueshmëri në platforma digjitale, por edhe me fitimin e çmimeve të shumta.
Ndërkohë, bukuroshja tashmë është duke u përgatitur për figurën e tretë në “Madame Tussauds”.
Lajmin e ka bërë të ditur përmes një postimi në rrjetin social Instagram, teksa shihej e rrethuar me aparate.
Figura ime e tretë e dyllit në Madame Tussauds. Ja një ilustrim nga prapaskena, ku artistët e studios morën më shumë se 200 matje për figurën time të qytetin e Nju Jorkut që do të arrijë më vonë këtë vit”, ka shkruar ajo në përshkrim.
Theksojmë se Dua tashmë është në top-lista të artisteve më të suksesshme, e cila mori çmim edhe në “Grammy Awards 2021”. /Telegrafi/