Në faqen zyrtare të filmit “Zgjoi” në Instagram është shpërndarë një postim i këngëtares me famë botërore, Dua Lipës, në të cilin tregon sërish mbështetjen për filmin kosovar.
Përkrahja e vazhdueshme e yllit vjen pasi Kosova është futur për herë të parë në listën e ngushtë të nominimeve për “Oscars 2022”.
Derisa ka nisur procesi i votimit të anëtarëve të jurisë për çmimin e Akademisë së Filmit, promovimet kanë qenë të shumta në rrjete sociale nisur nga fytyrat publike e deri tek qytetarët e këtij vendi.
Më poshtë ua sjellim postimin e plotë të Lipës:
“Zgjoi është një film i bukur që tregon historinë prekëse dhe frymëzuese të Fahrije Hotit dhe grave të Krushës. Kjo histori lufte dhe këmbënguljeje është ajo që duhet treguar.
Flet për shpirtin e përvojës kosovare dhe shpresoj se mund të ndihmojë në shërimin kolektiv të familjeve që u ndanë dhe njerëzve që humbën të dashurit e tyre.
Jam shumë krenare për atë që ka arritur Blerta Basholli – është një frymëzim. ZGJOI mori shumë çmime në Sundance dhe bast im është që Basholli do të shtojë një Oscar në koleksionin e saj”. /Telegrafi/