Mbretëresha e muzikës pop, Dua Lipa, të dielën hodhi perdet e festivalit muzikor “Rock in Rio” pas një sërë koncertesh në shtatë ditë, me skenën në natën e mbylljes që ishte ekskluzivisht e rezervuar për femrat interpretuese.
Dita e shtatë e festivalit të nëntë “Rock in Rio” kishte për qëllim fuqizimin e grave artiste dhe performuan emra të mëdhenj si: Rita Ora, Megan Thee Stallion dhe Macy Grey nga Shtetet e Bashkuara dhe Ivete Sangalo e Ludmilla.
Në Rio de Zhaneiro, Dua Lipa performoi një version paksa të modifikuar të turneut të saj “Future Nostalgia”, që synon të promovojë albumin me të njëjtin emër të publikuar në vitin 2020, përveç hiteve të saj fillestare si “Neë Rules” dhe “Cold Heart” (me Elton John).
Artistja më e popullarizuar në Spotify ofroi një paraqitje të shkurtër të këngëve që përbëjnë “Future Nostalgia”, një vështrim nga vitet 1970 dhe 1980.
Rreth 100 mijë fansa ishin paraqitur në vendin e City of Rock për natën e fundit të festivalit – i cili tani do të rikthehet në vitin 2024.
Megan Thee Stallion u vesh me fustanin e një balerine të karnavalit të Rios dhe magjepsi audiencën me hite të tilla si “Budget”, “Realer”, “Traumazine” dhe “Kitty Kat”.
Ajo gjithashtu iu bashkua organizatorëve në mesazhin e tyre për fuqizimin e grave duke përsëritur sloganin “Trupi im, zgjedhja ime”.
Në paraqitjen e saj të parë në “Rock në Rio”, Rita Ora emocionoi fansat me zërin e saj të fuqishëm me hitet pop si: “Ritual” dhe “I’ll Never Let You Down”.
“Rock in Rio”, i konsideruar si ngjarja më e madhe e muzikës dhe argëtimit në botë, u rikthye këtë vit, me koncerte të mbajtura në 2, 3, 4, 8, 9, 10 dhe 11 shtator.
Iron Maiden, Guns N’ Roses, Green Day, Justin Bieber, Demi Lovato, Gilberto Gil, Post Malone, Camila Cabello dhe Avril Lavigne ishin disa nga grupet dhe artistët kryesorë që interpretuan në festivalin e këtij viti. /Telegrafi/
