Dua Lipa me paraqitje glamuroze në promovimin e “Alita: Battle Angel” në Los Angeles

Këngëtarja shqiptare me renome ndërkombëtare, Dua Lipa, së fundmi është bërë pjesë e projektit filmik “Alita: Battle Angel”.

Ajo është interpretuese e kolonës zanore të këtij filmi, e cila titullohet “Swan Song”, dhe është publikuar para një jave.

Filmi “Alita” pati premierën e tij të madhe para pak ditësh në Londër, gjersa në mbrëmjen e së martës, u dha premierë edhen ë Los Angeles, të Kalifornisë.

E pranishme në këtë ceremoni ishte edhe vet këngëtarja shqiptare, e cila i ka mahnitur të gjithë me paraqitjen e saj.

Dua shkoi në tapetin e kuq e veshur me një fustan të verdhë plot shkëlqim, i cili vinte mjaft mirë në pah linjat e saj të trupit.

Flokët e saj të zeza dhe të prera shkurt, vazhdojnë t’i japin asaj një freski në pamje, ndërsa duket edhe më elegante dhe tërheqëse në çdo paraqitje.

Disa prej këtyre imazheve, ajo i ndau edhe me ndjekësit e saj në rrjetin social Instagram, duke thënë se ishte e ngazëllyer për premierën e këtij filmit në Hollywood.

See more

Përndryshe, “Swan Song” është pëlqyer shumë nga fansat e saj, dhe në vetëm pak ditë pas publikimit ka kaluar shifrën e 10 milionë klikimeve në YouTube.

Në tërësi si projekt, ka marrë lëvdata dhe urime edhe nga shoqata të ndryshme, veçanërisht nga aktivistët e të sëmurëve me AIDS, pasi “Swan Song” është e inspiruar nga ata të cilët e luftojnë këtë sëmundje.

Javën e ardhshme, artistja Lipa do të prezantohet në mbrëmjen e madhe të ndarjes së çmimeve, “Grammy Awards”, ku garon për dy çmime: atë të “Artistes së re më të mirë” dhe “Këngës më të mirë ritmike” për këngën “Electricity”, të kënduar në bashkëpunim me Mark Ronson dhe Diplo.

Mbetet të shihet nëse këngëtarja shqiptare do të arrijë të fitojë ndonjërën nga këto çmime. /Telegrafi/

Në vazhdim ju shoqërojmë me disa pamje nga paraqitja glamuroze e Dua Lipës në premeirën e filmit “Alita” në Los Angeles: