Dua Lipa ka diskutuar pabarazinë gjinore në industrinë e muzikës në një intervistë të fundit për Revistën GQ.
Princesha e muzikës pop, 24 vjeçare, tregoi në këtë intervistë presionet e ndryshme të vendosura mbi artistët mashkuj dhe femra, ndërsa pozonte për numrin e ri të Revistës “GQ”, e cila në edicionin e muajti qershor i kushtohet NHS (Shërbimi i Shëndetit Kombëtar) dhe të gjithë punëtorëve të tjerë kryesorë.
Muzikantja ka thënë gjithashtu gjatë intervistës se ndjehet krenare për albumin e saj të dytë “Future Nostalgia”, i cili u publikua muaj më parë, shkruan DailyMail.
Pavarësisht se është një nga interpretuesit me fitimin më të lartë në Mbretërinë e Bashkuar, krijuesja e hitit “New Rules” beson se ka ende një çekuilibër midis trajtimit të këngëtarëve meshkuj dhe femra.
Ajo insistoi që është e përkushtuar të inkurajojë femrat e tjera që të marrin role jo konvencionale në muzikë, veçanërisht në prapaskenë.
Dua tha: “Ekziston një problem masiv – që ndoshta fillon në shkolla – në të cilat vajzat nuk inkurajohen domosdoshmërisht të luajnë në shumë instrumente mashkullore, nuk inkurajohen me të vërtetë të hyjnë në regji-produksion, ndërsa burrat natyrisht mund të shkojnë në atë rrugë”.
“Shoqëria ime më e afërt përbëhet nga vajzat. Unë gjithmonë e ndiej se është më e lehtë të flasësh me vajzat dhe jam më e hapur rreth energjisë femërore”, tha Dua për “GQ”.
Në mars, këngëtarja e hitit “One Kiss” publikoi albumin e saj “Future Nostalgia” një javë më herët para datës zyrtare, për shkak të një rjedhje ilegale që ndodhi në internet.
Dua deklaroi në intervistën e re: “Më duhej të krijoja një album për të cilin isha vërtet krenare, pa mendimin e njerëzve të tjerë”. /Telegrafi/
