Ylli shqiptar i muzikës botërore, Dua Lipa, krahas një karrierë të suksesshme muzikore, ajo ka shtrirë famën dhe talentin e saj edhe në fusha të tjera.
26-vjeçarja është imazh i disa prej markave më të njohura në botë dhe në mesin e tyre edhe e brendit të veshjeve Puma.
Dua dhe Puma së fundmi kanë bashkëpunuar për të lansuar një koleksion të ri të veshjeve i cili u emërua shqip dhe mban titullin “Flutur”.
Veshjet e para të këtij koleksioni tashmë janë lansuar, kështu ka njoftuar Dua në një postim në Instagram.
Krijuesja e hitit “Levitating” postoi fotosesionin ku shihet me veshjet sportive nga koleksioni i ri.
“Koleksioni Flutur është lansuar. Dua X Puma, mezi po pres të iu shoh të veshur me to”, ka shkruar Dua në mbishkrimin e imazheve.
Ndryshe, vitit 2021 ka qenë mjaft i suksesshëm për artisten e famshme, vetëm gjatë këtij viti ajo ka fituar mbi 55 milionë euro.
Ndërkohë, në fillim të vitin 2022, Dua pritet të nis turneun e ri botëror “Future Nostalgia”. /Telegrafi/
