Dua Lipa merr vëmendjen e të gjithëve në para-mbrëmjen e “Grammy”, tërheq vëmendjen me dukjen e saj plot stil

Ajo është një prej këngëtareve të mëdha të momentit.

Kështu që nuk është surprizë që Dua Lipa ishte një nga të ftuarat e para-mbrëmjes muzikore të ‘Grammy’-t në NoMad, shkruan DailyMail, transmeton Telegrafi.

Këngëtarja shqiptare i mahniti të gjithë me dukjen e saj përgjatë mbrëmjes së mbajtur në Los Angeles.

23-vjeçarja dukej tejet tërheqëse e veshur me një fustan të bardhë të shkurtër, dhe një sako ngjyrë hiri.

Më vonë mbrëmja ka vazhduar në Muzeun e Hammerit, ku Dua dukej dramatikisht ndryshe me veshjen e saj të dytë.

Grimi i saj i lehtë dhe sytë e lyer me ngjyrë të kuqe, i dhanë asaj një pamje sa joshëse, aq edhe të frikshme.

Lipa u pa e vetmuar në mbrëmje, teksa pranë saj nuk ishte i dashuri, Isaac Carew.

Përndryshe, të dielën, ajo do të jetë pjesë e mbrëmjes më të madhe muzikore ‘Grammy Awards”, ku do të performojë teksa pret të shpërblehet edhe me çmim.

Ajo konkurron në kategoritë “Artistja e re më e mirë” dhe “Kënga më e mirë ritmike” për këngën “Electricity”. /Telegrafi/