Ajo njihet më së shumti për këngët e saj hit dhe paraqitjet magjepsëse në tapetin e kuq.
Madje, edhe teksa bën punë dhe merr kohë për veten, Dua Lipa duket elegante pasi u fotografua duke ecur në qytetin e saj të Londrës të hënën në mëngjes.
E veshur me një xhaketë me vija të zeza me një palë xhinse po ashtu të ngjashme të gjera, ylli i muzikës pop nuk dukej edhe aq në humor të mirë.
Nën xhaketë kishte një bluzë gri me grafika vizatimore në pjesën e përparme, dhe zgjodhi një palë atlete të zeza të markës Balenciaga.
Mbi krahun e saj mbante një çantë të madhe të zezë, e cila kishte detaje të rripit të argjendtë.
Duke u fokusuar në shëtitjen nëpër rrugët e Londrës, Dua u përqendrua në telefonin e saj teksa shihej mjaft e zënë.
Ajo mbante syze dielli të zeza, të cilat përputheshin me flokët që i kishte lënë pas veshëve.
27-vjeçarja u shfaq pa grim, duke e lënë lëkurën e saj natyrale të merrte frymë, por që shtoi një ngjyrë rozë në buzët e saj.
Ylli ka qenë në Londër javët e fundit për të bërë një paraqitje në “Vogue Forces of Fashion” të premten mbrëma javën e kaluar.
Ajo dukej si një ikonë e modës që merrte pjesë në konferencën vjetore të “Vogue Forces Of Fashion” në 180 The Strand në Londër. /Telegrafi/
