Dua Lipa është vetëm 22-vjeçare, por me siguri të plotë mund të themi tashmë se është një nga artistët pop më të kërkuar të vitit 2018.
“New Rules” ka arritur mbi 1,03 miliard shikimesh në YouTube. Javën e kaluar ajo mbylli një seri koncertesh në Shtetet e Bashkuara, duke përfshirë shfaqjet në Show Ellen Degeneres dhe në SNL.
Të mërkurën mori dy çmime në festivalin muzikor britanik të njohur si BRIT Awards në Londër dhe dy ditë më vonë, ajo u paraqit para fansave arab në qytetin turistik të Dubait.
“Ne donim të siguroheshim që jemi në rendin e parë të koncertit sepse jemi fansa të flakë të saj”, tha për revistën “National” një ndër të pranishmit në koncertin e shqiptares.
Duke veshur një fustan të stilit Kimono dhe një palë atlete të bardha, disi na kujton epokën e Spice Girls.
Kujtojmë se këngëtarja shqiptare do të vjen gjatë verës në Kosovë, ku do të mbajë një koncert në “Sunny Hill”.
Ndryshe, Dua është duke punuar në projekte të reja muzikore, të cilat do të mund t’i dëgjojmë edhe nëp albumin e ri të saj. /Telegrafi/
