Këngëtarja Dua Lipa po vazhdon të jetë shumë aktive dhe e ndjekur në rrjetet sociale.
Së fundmi, ajo ka zbuluar se është bërë imazh i një prej parfumeve më të reja në treg të YSL Beauty.
Këngëtarja me prejardhje nga Kosova, publikoi një fotografi në rrjetin social Instagram, ku shfaqet mjaft tërheqëse ndërsa mban në duar produktin e ri.
Në mbishkrimin e fotografisë, Lipa shkruan se ndjehet e lumtur që pati mundësinë të jetë pjesë e kësaj reklame.
“Aq krenare që më në fund ju zbulova LIBRE aromën e re të nxjerrë nga Yves Saint Laurent Beauty”, ka shkruar Dua në Instagram.
Përndryshe, këtë vikend, artistja do të jetë në Kosovë për të ndjekur nga afër festivalin “Sunny Hill”, të cilin e organizon i ati i saj, Dukagjini. /Telegrafi/
