Dua Lipa u sigurua që të gjithë sytë ishin tek ajo teksa mbërriti në Perth të martën përpara koncertit të fundit të turneut të saj në Australi.
Këngëtarja shqiptaro-britanike, 27 vjeçe, u pa në plazhin Swanbourne, i cili rastësisht është një plazh i afërt me plazhin nudo, ku u takua me yllin e popit Troye Sivan, i cili u rrit në qytetin në fjalë.
Dua mbërriti pak para orës 17:00 për një darkë të hershme në Shorehouse Bar, i cili ka pamje nga plazhi, shkruan DailyMail.
Pas ushqimit dhe pijeve, Dua, e cila ishte e rrethuar nga dy roje sigurie, u takua me Troye dhe dy muzikantët ndanë mes vete një përqafim të ngrohtë.
Ata u bashkuan shpejt me miq të tjerë dhe panë perëndimin e diellit së bashku në një stol aty pranë.
Dua, e njohur për këngët e saj hite si: “Levitating”, “One Kiss” dhe “Don’t Start Now”, tregoi figurën e saj të pabesueshme të trupit e veshur me një ansambël shumëngjyrësh dhe të tejdukshëm.
Veshja e saj përbëhej nga një bluzë me mëngë të gjata me pika dhe pantallona të ndezura.
Fituesja e trefishtë e çmimit “Grammy” kishte aksesorë një palë syze dielli të zeza, të cilat i mbajti në ballë dhe i mbante në valë të lirshme flokët e saj të gjata e të errëta.
Ajo u pa më vonë duke qeshur dhe duke biseduar me fansat dhe me dashamirësi pranoi të bënte fotografi me ta.
Troye, gjithashtu 27 vjeç, kishte veshur një këmishë me vija portokalli dhe të bardha dhe pantallona të shkurtra të zeza të markës “Moschino”.
Ai e mbrojti fytyrën nga dielli me një palë syze të zeza të trasha dhe një kapele të bardhë.
Këto fotografi vijnë pak paraqitjes së radhës të Duas në Perth të mërkurën mbrëma, e cila shënon fundin e turneut të saj “Future Nostalgia” në Australi.
Këngëtarja e hitit “New Rules” së fundmi ka adresuar spekulimet se ajo do të performonte në ceremoninë e hapjes së Kampionatit Botëror në Katar.
Ajo u lajmërua në Instagram për të hedhur poshtë thashethemet dhe ‘sulmoi’ Katarin për qasjen e tij të tmerrshëm si shtet ndaj të drejtave të njeriut.
“Ka shumë spekulime se unë do të performoj në ceremoninë e hapjes së Kupës së Botës në Katar”, ka shkruar ajo.
“Unë nuk do të performoj dhe as nuk kam qenë ndonjëherë e përfshirë në ndonjë negociatë për të performuar”.
“Unë do të bëj brohoritje për Anglinë nga larg dhe mezi pres të vizitoj Katarin kur ai të ketë përmbushur të gjitha premtimet për të drejtat e njeriut që bëri kur fitoi të drejtën për të pritur Kampionatin Botëror”, vazhdoi Dua.
Kjo deklaratë e saj vjen vetëm një javë para Kampionatit Botëror të Katarit, me shtetin arab që po përballet me kritika në rritje për trajtimin e grave, punëtorëve migrantë dhe personave të komunitetit LGBT.
Shqetësimi kryesor janë kushtet kontraktuale për qindra mijëra punëtorë migrantë të punësuar për ta kthyer emiratin e vogël në një rajon të aftë për të pritur turneun më të madh të futbollit.
Është ende për t’u parë se sa kohë do të shpenzojnë transmetuesit e Kampionatit Botëror për të theksuar akuzat kundër qeverisë së Katarit, të cilat përfshijnë pretendimet e vitit 2013 nga mediumi The Guardian se punëtorëve iu mohua ushqimi, uji dhe iu hoqën pasaportat.
Disa pretendojnë se nuk janë paguar, ose nëse janë paguar, pagesat kanë qenë minimale dhe të vonuara. Një hetim i Daily Mirror i vitit 2019 zbuloi se 28,000 punëtorë paguheshin afërsisht 1 dollarë në orë gjatë një jave 48-orëshe.
Robbie Williams u zbulua së fundmi si një nga artistët e përzgjedhur për të performuar në Katar gjatë një konference për shtyp në Doha.
Ndërkohë, David Beckham ra dakord për një marrëveshje prej 10 milionë funtesh për t’u bërë ambasador i vendit gjatë një dekade, gjë që ka rezultuar në atë që ai të jetë fytyra promovuese e Kampionatit Botëror 2022. /Telegrafi/
