Sukseset për artisten shqiptare me famë ndërkombëtare, Dua Lipën, nuk kanë të ndaluar!
E njëjta, së fundmi ka qenë prezente në mbrëmjen e madhe të ndarjes së çmimeve, “LOS40 Music Awards”, në Madrid të Spanjës.
Ajo ka shkëlqyer me paraqitjen e saj glamuroze, në një fustan të shkurtë dhe me ngjyra, i cili i ndihmoi asaj të vërë në pah figurën e saj trupore.
Një natë e tillë duket të ketë qenë vërtet e frytshme për Duan, kjo pasi ajo ka arritur që të shpërblehet me jo më pak se tri çmime.
“Artisti më i mirë internacional”, “Albumi më i mirë internacional”, dhe “Kënga më e mirë internacionale”, janë trofetë që ajo rrëmbeu këtë natë.
E lumtur për këtë gjë, këngëtarja vendosi që ta shpreh gëzimin e saj përmes disa fotografive nga mbrëmja, të publikuara në rrjetin social Instagram.
“Çfarë nate! Tri çmime! ‘Artisti më i mirë internacional’, ‘Albumi më i mirë internacional’, dhe ‘Kënga më e mirë internacionale’ për këngën ‘New Rules’! Faleminderit LOS40 Music Awards për një mbrëmje të tillë kaq të përsosur!”, ka shkruar Dua Lipa në Instagram.
Komentet dhe urimet për suksesin e arritur nga ndjekësit nuk kanë munguar, të cilët janë afro 21 milionë vetëm në rrjetin social Instagram. /Telegrafi/