Dua Lipa tregoi barkun e saj të tonifikuar e veshur me një fustan të bardhë të tejdukshëm teksa merrte pjesë në dasmën franceze të Simon Porte Jacquemus dhe Marco Maestrit.
Këngëtarja e hitit “One Kiss”, 27 vjeçe, veshi fustanin e dekoruar me lule në dasmën e stilistit me origjinë franceze dhe bashkëshortit të tij tani në Charleval të shtunën, shkruan DailyMail.
Dasma vjen më shumë se një vit pasi çifti u martua zyrtarisht në qershor të vitit 2021 – por më në fund ata festuan bashkimin e tyre të rrethuar nga të dashurit e tyre.
Dua dukej e bujshme me fustanin e saj të tejdukshëm, teksa kalonte nëpër rrugët franceze.
Këngëtarja me origjinë shqiptare e kombinoi veshjen me vathë të mëdhenj të bardhë me lule, të cilët plotësonin pamjen e saj.
Dua vuri në pah bukurinë e saj natyrale me një makijazh të lehtë në fytyrën e saj, ndërsa gjërat e nevojshme i mbante në një çantë dore të zezë.
Simon themeloi markën e modës me bazë në Paris, “Jacquemus” dhe u takua me agjentin dixhital, bashkëshortin e tij Marco për katër vjet përpara se të lidhnin kurorë në mes të pandemisë Covid-19.
Ata festuan në një dasmë të madhe të shtunën, ku iu bashkuan miqtë dhe të dashurit e tyre.
Marka “Jacquemus” ka një njohje të madhe ndërkombëtare dhe emrat e famshëm si: Bella Hadid dhe Kendall Jenner kanë modeluar për të.
Dua aktualisht po shijon një pushim të gjatë pasi festoi ditëlindjen e saj të 27-të në fillim të kësaj jave në Ibiza. /Telegrafi/
