Dua Lipa dhe i dashuri i saj Anwar Hadid u fotografuan duke shpërfillur rregullat e bllokimit të qeverisë së Mbretërisë së Bashkuar ndërsa vizituan shtëpinë e prindërve të saj për darkë të martën në mbrëmje.
Princesha e muzikës pop, 24 vjeçare, dhe modeli 20 vjeçar, u fotografuan duke u futur në një veturë të zezë, disa javë pasi ata njoftuan se po qëndronin së bashku në një shtëpi me qira në Londër, shkruan DailyMail.
Në një fjalim drejtuar kombit të dielën, kryeministri Boris Johnson njoftoi se britanikët mund të vizitojnë një gjyshër ose një të dashur nga jashtë familjes së tyre, nëse ata ulen dy metra larg nga personi që po vizitojnë dhe mbeten jashtë dyerve të shtëpisë së tij/saj – vendim që hyri në fuqi nga dita e mërkurë.
Artistja me prejardhje nga Kosova kishte veshur një bluzë të zezë, komninuar me xhinse, teksa dukej bukur me modelin e ri të flokëve ngjyrë të kuqe.
Rregulli i distancës sociale thotë se njerëzit, duke përjashtuar ata që jetojnë së bashku, duhet të qëndrojnë dy metra larg nga njerëzit e tjerë në një përpjekje për të trajtuar virusin vdekjeprurës.
Këngëtarja ka qenë në kontakt me miqtë dhe familjen në mbarë botën përmes aplikacionit Facetime dhe thirrjeve telefonike.
Dua dhe i dashuri i saj treguan se arsyeja e qëndrimit momental në një shtëpi me qira është fakti se kur u kthyen nga turneu i Duas në Australi, ata e gjetën apartamentin e tyre të përmbytur nga punimet që kishin kryer fiqnjët e tyre. /Telegrafi/
