Dua Lipa është një ndër këngëtaret më të suksesshme në rrafshin ndërkombëtar.
Këngëtarja shqiptare po vazhdon me koncerte anembanë botës, ku së fundi ishte në një turne mbështetës me Bruno Marsin.
Por, pos karrierës muzikore dhe perfomancave në shtetet e ndryshme botërore, ajo ka edhe një jetë private.
Bukuroshja jonë rrallëherë e ekspozon familjen në rrjetet sociale, por kësaj radhe nuk i ka kursyer të vëllanë dhe motrën.
Dua shihet në krah të Rinës dhe Gjinit pranë një dere të një shtëpie të një lagjeje të kryeqytetit britanik, Londrës.
Këngëtarja bënë me dije që familja e saj tashmë kanë blerë një shtëpi të re. “Familja ka shtëpi të re”, ka shkruar shkurtimisht Dua në llogarinë personale në Instagram, duke mos dhënë më shumë detaje.
Ndryshe, këngëtarja gjatë verës së këtij viti do të perfomojë edhe në kryeqytetin kosovar, Prishtinë. /Telegrafi/