“Sunny Hill Festival” nis nesër (e enjte) për të sjellur katër ditë atmosferë, muzikë dhe netë të paharruar në kryeqytetin e Kosovës, Prishtinë.
Shumë emra të njohur me famë botërore dhe artistë shqiptarë do të ngjiten në skenën e festivalit që mbahet në parkun e Gërmisë.
Tashmë ylli shqiptar me famë ndërkombëtare, Dua Lipa e cila bën hapjen e festivalit duke performuar në natën e parë, ka arritur në Prishtinë.
Telegrafi mëson se nesër (e enjte) këngëtarja 26-vjeçare gjithashtu do të mbaj një konferencë për media.
Ndërsa në Kosovës gjatë ditës ka arritur edhe artisti italian, Mahmood, i cili pritet të performoj për publikun në natën e dytë, të premten e 5 gushtit.
Kujtojmë që artistët e tjerë botëror që do të perfomojnë këtë vit në “Sunny Hill Festival” janë ylli latin, J Balvin, Diplo dhe Skepta.
Përveç në Prishtinë, theksojmë që këtë vit “Sunny Hill Festival” do të mbahet edhe në Tiranë, më 26, 27, 28 gusht. /Telegrafi/
