Këngëtarja shqiptare me renome botërore, Dua Lipa, u rikthye me këngë të re pas një mungese goxha të gjatë në aspektin e prurjeve muzikore.
“Don’t start now”, titullohet kënga e saj e re e cila u publikua të premten bashkë me klip.
Dua erdhi shumë e freskët dhe energjike në këngën e re, e cila në vetëm një ditë ka kaluar mbi pesë milionë shikime vetëm në kanalin YouTube.
“Don’t start now” përveçse gjenet kënga më e supozuar në platformat muzikore për momentin, ajo është renditur menjëherë lart edhe në top listta e hiteve ndërkombëtare.
Dua ka bërë të ditur së fundmi përmes një postimi në InstaStory, se “Don’t start now” është pozicinuar aktualisht në numrin 1, në top listën botërore të platformës së madhe globale të muzikës, iTunes.
“E para në listën mbarëbotërore të këngëve. Faleminderit”, ka shkruar 24-vjeçarja, duke falënderuar kështu ffansat e saj për mbështetjen.
Dua përndryshe është në prag të publikimit edhe të albumit të saj të ri, i cili është njëherësh i dyti në karrierën e saj, që i pason albumit shumë të susesshëm të saj të parë, i cili titullohej thjeshtë “Dua Lipa”.
Këngëtarja nga Kosova ende nuk ka dhënë një datë të saktë për albumin e ri, megjithatë ka pohuar se do të jetë i gatshëm për publikun së shpejti. /Telegrafi/
